ГАЗА (АА) – Најмалку 55 Палестинци загинаа во новите израелски напади врз Појасот Газа рано утринава, објавија локалните медиуми, пренесува Анадолу.
Во воздушен напад беше погодена куќа во градот Рафах во јужниот дел на Газа, при што загинаа девет лица, а неколку беа повредени, јави палестинската новинска агенција ВАФА.
Во напад на зграда во градот Заваида во центарот на Газа, според извештаите, загинале 18 лица.
Уште седуммина загинаа, а десетици беа повредени во воздушен напад врз куќа во областа Зејтун во Централна Газа, додека 18 беа убиени во друг напад врз зграда во градот Рафах, објави ВАФА.
Во израелското бомбардирање на северот на Газа загинаа уште три лица, меѓу кои и едно шестгодишно дете, а деветмина беа ранети.
Израелската војска ги прошири своите воздушни и копнени напади врз Појасот Газа, кој е под немилосрдно бомбардирање по ненадејниот напад на Хамас врз Израел на 7 октомври.
Во конфликтот загинаа повеќе од 9.800 луѓе, меѓу кои 8.306 Палестинци и повеќе од 1.538 Израелци.
