Израел ја нарече „подла“ резолуцијата на ОН за прекин на огнот во Газа

October 28, 2023
1 min read

КУДС/ЕРУСАЛИМ (АА) – Израелскиот министер за надворешни работи Ели Коен денес ја нарече „подла“ резолуцијата на Генералното собрание на Обединетите нации (ОН) со која се бара хуманитарно примирје во Појасот Газа, јавува Анадолу.

Генералното собрание на ОН вчера ја усвои резолуцијата која повикува на итно „трајно и одржливо хуманитарно примирје“ во Газа.

„Ние целосно го отфрламе подлиот повик на Генералното собрание на ОН за прекин на огнот“, напиша Коен на платформата X.

„Израел има намера да го елиминира Хамас исто како што светот се справи со нацистите и ИСИС [ДЕАШ]“, додаде тој.

Израелската армија синоќа ги прошири и интензивира своите воздушни и копнени напади врз Појасот Газа, кој е под немилосрдни воздушни напади по прекуграничниот напад на Хамас на израелска територија на 7 октомври.

Резолуцијата, која беше презентирана од речиси 50 држави, меѓу кои и Туркије, Палестина, Египет, Јордан, Саудиска Арабија и Обединетите Арапски Емирати (ОАЕ), беше усвоена од 120 држави, наспроти 14 кои беа против, додека 45 држави беа воздржани.

Усвоена на 10-тата Специјална сесија за вонредни состојби за ситуацијата на окупираните палестински територии, во Нацрт-резолуцијата се изразува голема загриженост поради последната ескалација на насилството, по нападот на Хамас на израелска територија на 7 октомври.

Резолуцијата ги осуди „сите акти на насилство врз палестинските и израелските цивили, вклучително и сите акти на терор и неселективни напади, како и сите акти на провокации и разорување“.

Исто така, побара „сите страни веднаш и целосно да ги почитуваат своите обврски во рамките на меѓународното право“.

Резолуцијата ја нагласува важноста од „спречувањето на понатамошната дестабилизација и ескалација на насилството во регионот“.

Конфликтот започна на 7 октомври кога палестинската група Хамас ја почна операцијата „Поплава Ал Акса“ – ненадеен повеќестран напад со бараж ракети и инфилтрирање во Израел преку копно, море и воздух. Хамас истакна дека операцијата е одмазда за упадите во џамијата Ал Акса и зголеменото насилство од страна на еврејските доселеници врз Палестинците.

Израелската војска потоа започна немилосрдно бомбардирање на позиции на Хамас во Појасот Газа. Кампањата се интензивира синоќа, откако војската соопшти дека ги проширува операциите на воздушните и копнените операции на територијата. Исто така, го прекина интернетот и комуникациите во енклавата под опсада.

Најмалку 7.326 Палестинци загинаа во израелските напади. Според официјалните податоци, околу 70 отсто од палестинските жртви се жени и деца.

Бројот на загинати во Израел изнесува над 1.400.

2,3 милиони жители на Газа се борат со недостиг на храна, вода и лекови поради масовното воздушно бомбардирање на Израел и целосната блокада на енклавата.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS). .

MARKETING

MARKETING

Претходно

Дино Имери одржа концерт за паметење во Лондон

Следно

Бројот на загинати Палестинци во израелските напади врз Газа порасна на 7.703

Latest from Blog

Убиството во Штип организирано преку мобилна апликација

Основното јавно обвинителство во Штип отвори истрага против петмина турски државјани осомничени за убиството на 25-годишен сонародник, што се случи вечерта на 8 мај во угостителски објект на Градскиот плоштад „Слобода“. Судот

Алонсо подготвува историска промена во Мадрид

Во текот на наредните денови, Чаби Алонсо официјално ќе стане тренер на Реал Мадрид, почнувајќи од сезоната 2025/26, а мадридските медиуми веќе пишуваат за првите големи промени кои следат. Марка тврди дека

Денот на Европа одбележан во Скопје со едукативно-забавен настан „Европа низ детските очи“

Во Градскиот парк во Скопје, по повод Денот на Европа, Националната агенција за европски образовни програми и мобилност организираше уникатен настан посветен на децата. Под мотото „Европа низ детските очи“, во Македонија

Утре во Албанија се одржуваат парламентарни избори

Албанските граѓани утре излегуваат на парламентарни избори. Изборите се сметаат за одлучувачки за демократскиот пат на Албанија, нејзината посветеност во борбата против корупцијата и нејзината аспирација за влез во ЕУ. Со повик

„Плаја Виста“ некогаш и сега – спортско-рекреативниот центар слика за нашата (не)грижа и однос кон некогаш култните спортски објекти

Ваква беше сликата и атмосферата пред неколку децинии во спортско-рекреативниот центар под Кале. На зима и лете. Базенот Плаја Виста преполн со народ, рекреативно лизгање, но и професионален хокеј на мраз. И
Go toTop