ГАЗА (АА) – Палестинската Црвена полумесечина соопшти дека во Појасот Газа, кој е под израелска блокада, влегле осум камиони со хуманитарна помош преку граничниот премин Рафах на египетската граница, јавува Анадолу.
Ова е четврти конвој со хуманитарна помош што влегува во Газа од 7 октомври.
Меѓународнaта организација на Црвената полумесечина соопшти дека палестинската Црвена полумесечина го добила четвртиот пакет хуманитарна помош составен од осум камиони.
Наведено е дека пет камиони превезувале вода, два биле со храна и еден со лекови.
Во изјавата од 23 октомври, шефот за јавни работи на преминот Рафах, Ваил Абу Мухсин, рече дека „третиот“ конвој со хуманитарна помош од 20 камиони од Египет влегол во Газа.
Израел ја бомбардира Газа по ненадејниот напад на Хамас на 7 октомври, ставајќи ја целата енклава под блокада, поради што 2,3 милиони жители се со малку вода, гориво и медицински материјали.
Израелската војска продолжи со своите интензивни воздушни напади врз Газа, во кои уништи цели квартови.
Во израелските напади на Газа убиени се 5.791 Палестинец, од кои 2.360 се деца, 1.292 жени и 295 стари лица.
