АНКАРА (АА) – Кинескиот претседател Си Ѓинпинг денес во Пекинг се состана со неговиот руски колега Владимир Путин, пренесува Анадолу.
Си Ѓинпинг се состана со Путин на маргините на третиот форум за меѓународна соработка „Појас и пат“, јави државната новинска агенција „Синхуа“.
Путин вчера пристигна во Пекинг во дводневна посета на Кина.
Кина е домаќин на дводневниот форум, на кој се очекува да присуствуваат повеќе од 4.000 претставници и официјални лица од околу 140 земји и 30 меѓународни организации.
Кремљ претходно соопшти дека Путин со Си ќе разговара за „понатамошниот развој на сеопфатното партнерство и стратешка соработка меѓу Русија и Кина, како и за актуелните регионални и меѓународни прашања“.
