Израелска војска: Болницата во Газа беше цел на Исламски џихад, имаме докази

October 18, 2023
1 min read

Нападот на болницата во која многу жители на Газа се засолниле бегајќи од израелското бомбардирање, предизвика бурни реакции ширум светот, особено во арапскиот свет, а протести се организираа и пред израелските амбасади во Турција и Јордан и во близина на американската амбасада во Либан, каде безбедносните сили употребија солзавец кон демонстрантите

Стотици загинати во израелски напад врз болница во Газа, соопштија палестинските власти, Фото: EPA-EFE/HAITHAM IMAD

Војската на Израел објави дека „по блиска проверка на системите за надзор“, утврдиле дека не бил израелски оган, туку ракети на Исламски џихад кои ја погодиле болницата во Газа во вторникот вечерта, при што, според палестинските тврдења, загинале стотици луѓе.

„Сега имаме доволно информации, требаше време, но мораме да ја кажеме вистината, болницата не беше погодена од израелски удари. Во следните часови ќе обезбедиме докази за нашите тврдења“,

изјави Даниел Хагари, портпарол на израелската армија на синоќешниот брифинг со новинарите.

Тој додаде дека во моментот на пукањето, не вршеле никакви воздушни операции во близина на болницата и дека ракетите што ја погодиле зградата не се совпаѓале со нивните. Хагари посочи и дека војската ќе објави „разговори на арапски што покажуваат дека виновникот за нападот е исламски Џихад“.

Исламски џихад: Ова е лага и измислица

Дауд Шехаб, портпарол на Исламскиот џихад, изјавил за Ројтерс:

„Ова е лага и измислица, тоа е целосно лажно. Тие се обидуваат да го прикријат страшното злосторство и масакр што го извршија врз цивилите“.

Нападот на болницата во која многу жители на Газа се засолниле бегајќи од израелското бомбардирање, предизвика бурни реакции ширум светот, особено во арапскиот свет, а протести се организираа и пред израелските амбасади во Турција и Јордан и во близина на американската амбасада во Либан, каде безбедносните сили употребија солзавец кон демонстрантите.

„Стотици жртви се уште се во урнатините на болницата Ахли Арап во центарот на Газа, каде што загинаа од 200 до 300 луѓе“,

соопшти Министерството за здравство на палестинската територија под контрола на Хамас, кое го обвини Израел за пукањето.

Палестинскиот претседател Махмуд Абас, кој управува со палестинската територија на Западниот Брег, ја нарече експлозијата во болницата Ал Ахли „ужасен воен масакр“.

„Израел ги премина сите црвени линии“,

рече тој.

Експлозијата во болницата е најкрвавиот поединечен инцидент во Газа откако Израел започна серија бомбардирања како одмазда за нападот на Хамас врз јужните израелски заедници на 7 октомври, во кој загинаа 1 300 луѓе.

ИЗВОР: 360stepeni.mk

MARKETING

MARKETING

Претходно

Дали власта ќе се охрабри на осми мај да се оди на двојни избори?

Следно

Израелската Армија соопшти дека бројот на загинати меѓу воениот персонал пораснал на 304

Latest from Blog

Загина македонски државјанин во сообраќајна несреќа кај српско-унгарската граница

Трагична сообраќајна несреќа се случи утринава околу 05:15 часот на автопатот кај Хоргош, во близина на границата меѓу Србија и Унгарија, каде што животот го загуби државјанин на Македонија, а друг македонски

Костадинов се јави, повторно: Не, јас не одам како кандидат, јас се повлекувам во тишина

Градоначалникот на Струмица, Костадин Костадинов, преку објава на својот официјален профил на Фејсбук објави дека нема да се кандидира на претстојните локални избори, и покрај, како што вели, убедливо водство на сите

Додик формира резервен полициски состав, ЕУ и Велика Британија предупредуваат на можна ескалација

Делегацијата на Европската Унија во Босна и Херцеговина остро ги осуди плановите на властите во Република Српска (РС) за формирање резервен состав на ентитетската полиција, предупредувајќи дека таквиот потег води кон ескалација

Костадинов нема да се кандидира како независен во Струмица

Актуелниот градоначалник на Струмица, Костадинов нема да се кандидира како независен кандидат за Струмица, откако лидерот на СДСМ Венко Филипче објави дела партијата ќе застане зад Марјан Даскаловски. Костадинов пишува дека нема
Go toTop