реклама
Измените на Кривичниот законик не му овозможуваат на Никола Груевски враќање во земјава, вели претседателот на државата Стево Пендаровски во интервју за Гласот на Америка на македонски јазик. Сепак тој и не може да потврди дека со измените на Кривичниот закон е можно Груевски доколку се врати во државата, повторно да се најде пред правдата, тоа, вели Пендаровски е работа на правосудството.
„Не е амнестија. Видете, ако е тоа амнестија, еве да логицираме како обични граѓани, ако тоа беше амнестија Груевски ќе беше денеска во Македонија. Груевски не е во Македонија. Со последните измени на Кривичниот законик Никола Груевски нема да се врати во Македонија. Тврдам. Досега не се вратил, заради овие измени нема ни да се врати тоа е сигурно“, вели Стево Пендаровски.
реклама
Претседателот на ВМРО-ДПМНЕ Христијан Мицкоски вчера рече дека за ситуацијата со Груевски на претседателот на Собранието Талат Џафери и на првиот човек на ДУИ Али Ахмети им биле дадени пликоа со УСБ во кое како што тврдеше имало доказ за оската меѓу СДСМ, ДУИ и Груевски. Мицкоски денеска не сакаше да обелодени за што станува збор.
„Ќе ги прашате и Талат Џафери и Али Ахмети за содржината на тоа УСБ на тоа плико и каков документ има во тоа плико и јас ќе ги следам внимателно нивните изјави и внимателно ќе следам дали ќе ја кажат вистината. Еве да оставиме тие да ја кажат вистината, бидејќи тие добиле два од трите документи“, порача Христијан Мицкоски.
реклама
„Ахмети и Џафери немаат примено никакво плико и никакво УСБ. ДУИ не е дел од било какви интигрантни сценарија или заговори и нема двојна агенда“„Единствените разговори за Кривичниот законик се водени со Мицкоски на лидерските средби во Клубот на пратениците по негова иницијатива и барање откако стана претседател на ВМРО-ДПМНЕ“, велат од ДУИ.
Со реакции за измените на Кривичниот законик се јавија и од албанската опозиција. Потпретседателот на Алтернатива Адмирим Алити пренесувајќи го ставот на партиите на Албанците во опозиција пред седиштето на Канцеларијата на Европската унија во Скопје вели дека ги поддржуваат изјавите на Европската унија за измените на овој закон околу користењето на европското знаменце а и ризикот што ги носат измените од пораст на неказнивоста. Притоа Алити се задржа и на изјавата на Ахмети во однос на овој закон. .
реклама
„Како против одговор за Брисел е изјавата на Али Ахмети од пред неколку дена дека „и Брисел и Вашингтон кога ќе влезат во подлабока анализа ќе ги разберат причините. Ние сме во процес на скрининг и промените во правдата се приоритет“. Овој негов одговор не само што ја навредува интелигенцијата на граѓаните и Европската комисија, туку открива и злоупотребата станала подмет на оваа тема“, порача Адмирим Алити.
Од албанската опозиција уште додаваат и дека и покрај негативните реакции на ЕУ за измените на Кривичниот законик, власта манипулира со образложение дека тие се неопходни за реформи во правосудството.
реклама
