реклама
Патот во селото Палатица и натаму е уништен, иако општина Желино вети дека неговата изградба ќе започне во септември. Претседателот на месната заедница на село Палатица вели дека имале ветувања, но работите не се ни почнати.
„Во моментов никакво поместување на работите за улицата. Ни беше ветено дека во септември ќе почнат работите, но ништо не е помрднато. Постојниот пат е во катастрофална состојба, со дупки. Јас минатиот пат кажав дека овој пат може да се санира ако некој сака да го поправи, но не се санира, ниту пак ги започнале работите. Слушаме дека има и политички проблеми, некој дозволува, а некој спречува, но тоа се гласини“, вели Беќир Велиу.
реклама
Градоначалникот на општината Блерим Сејдиу вели дека општина Желино добила пет проекти од Светска банка и годинава ќе почне изградбата на патот Палатица-Озормиште и уште еден пат во селото Капаждол.
„Тоа е проект што го добивме од Светска банка, а во тој проектен пакет се вклучени пет патишта: Палатица-Озормиште, Палатица-Желино, Палатица-Требош, Желино-Капаждолл и требаше да почекаме малку со прераспределбата на средствата поради короната, бидејќи во 2020 година склучивме договор и со Министерството за транспорт и врски. Добрата вест е што оваа година ќе започнеме со овие проекти. Сите процедури се завршени од општина Желино и Министерството за транспорт. Со проценка на Светска банка, многу брзо ќе започнеме со патот Палатица Озормиште, кој го оценивме како пат што треба што поскоро да биде започнат“, порача Блерим Сејдиу.
реклама
Селото Палатица во општина Желино има околу 5.000 жители. Според жителите, на овој патен правец не е интервенирано 25 години, додека единствените интервенции што се направени се од самите жители.
реклама
