ПАРИЗ (АА) – Француската Влада има намера да воведе забрана за употреба на електронските цигари за еднократна употреба, најави премиерката Елизабет Борн во денешното интервју за радио РТЛ, пренесува Анадолу.
„Планираме да воведеме нов план против пушењето кој ќе ги забрани електронските цигари за еднократна употреба [вејп], тие предизвикуваат лоши навики кај младите“, истакна Борн.
Министерот за здравство на Франција, Франсоа Браун, веќе неколкупати се изјасни за забрана на овој вид електронски цигари затоа што ги наведуваат младите на пушење и затоа што нивното еднократно користење е еколошки апсурд.
Иако веќе формално се забранети за малолетници, електронските цигари се особено популарни меѓу француските тинејџери.
