„Апсолутно никој не е против европската иднина на државата бидејќи таа е нашата иднина. Ние сме членка на НАТО и припаѓаме на европско тло и нашата патека е кон Европската Унија меѓутоа не во согласност и договор на протокол кој ние имаме денеска“, рече пратеничката и член на ИК на ВМРО-ДПМНЕ, Рашела Мизрахи во вечерашното гостување во емисијата „За или Против“ на Телевизија Алфа.
Во однос на Маричиќ таа истакна дека можеби тој е збунет и посериозно треба да разговара во партијата за она што се следните чекори за нив, а дефинитивно не се на патот кон ЕУ или Брисел.
„Ова се несериозни луѓе на политичката сцена , ова се луѓе кој од фотелјите од столче можат да бидат многу по удобни на фотелја“, изјави Мизрахи.
Таа додаде дека има пресуди донесени од страна на Стразбур кај нашиот сосед и за тоа кој се нашите права и каков реципроцитет видовме во најмала рака од нашиот сосед.
„Ако моќта даденост од фотелјата сте ја добиле тоа не значи дека сте попаметни или дека нешто знаете да направите. Очигледно е дека од овие 7 години дека ништо не се направи во државата и ништо не знаат да направат за државата. Ниту државните интереси се одбранети ниту граѓанските интереси се одбранети, ниту некакво стратешко планирање за како државата ќе изгледа“, вели Мизрахи.
Таа посочи дека има назадување, распродажба на се живо, рушење на институциите од внатре кон надвор за сите институции.
„Имаме сосед кој има своја политика и сериозни институции кои нормално е да имаат и свои барања во кои ние како држава треба да ги држиме своите национални интереси и своите барања. Дали оваа власт дојде да ги брани националните, граѓанските интереси и развој на државата? Наспроти тоа добивме разорана, украдена држава, демолирализиран народ“, потенцираше Мизрахи.
ИЗВОР: kurir.mk
