Никој не ги третира кучињата скитници во Тетово – на секој 6 дена по еден граѓанин е нападнат

Речиси 8 месеци никој не ги третира кучињата скитници во Тетово.

Само во текот на 2023 година во полиција биле пријавени 35 каснувања, покажуваат податоците на СВР-Тетово.

Големиот број на кучиња во градот го забележуваат и жителите и печалбарите, кои велат дека најмногу се загрозени децата.

„Немам точни информации дали нешто прават или не, но мора да имаат на совест дека нешто мора да направат“.

-Има ли многу кучиња на улица?

„Да, кучиња има, особено е интересно да се видат кучиња скитници во центарот, но има и во селата“.

„Навистина ги има многу, јас живеам во Хрватска, и влегуваш во Македонија само тоа ќе видиш. Навистина треба да преземат мерки, градоначалникот на Тетово, има деца…нешто, мене не ми се случило, но сум видел деца и инвалиди кои не можат да се движат“.

„Не дискутираме дека има повеќе кучиња отколку луѓе, во ризик се децата, но јас не. Треба да се преземат мерки, ќе ти се приближи некое, ќе се ужаснеш само што ќе го видиш, зошто не ги соберат да ги убијат…“

Во август минатата година, општина Тетово отвори тендер за третирање на 80 кучиња скитници, кој веќе е завршен. Ја прашавме општината кога ќе се отвори тендерот за третирање на кучињата скитници, до каде се работите за изградба на прифатилиштето и колку граѓани досега се пријавиле во општината за обесштетување како последица на каснување од кучиња скитници, но од таму не добивме никаков одговор. Инаку, во мај годинава градоначалникот Биљал Касами вети дека за не повеќе од три месеци општина Тетово ќе изгради прифатилиште. Иако минатата година општина Тетово во буџетот за 2023 година имаше предвидено три милиони денари за третирање на кучињата скитници, засега тоа не се случува.