Руските власти тврдат дека собориле дрон кој целел на Москва

July 28, 2023
1 min read

Градоначалникот на Москва Сергеј Собјанин на каналот Телеграм изјави дека обидот за напад врз Москва се случил во текот на ноќта и дека нема жртви и не е предизвикана материјална штета. Од украинска страна нема коментар на изјавата на руските власти

Руското министерство за одбрана утрово соопшти дека во текот на ноќта бил одбиен напад со дрон кок целел на мета во регионот на главниот град, Москва, јавува Радио Слободна Европа на англиски јазик.

Црвениот плоштад со Кремљ во Москва (Илустративна фотографија) / Фото: EPA-EFE/MAXIM SHIPENKOV

Според министерството дронот бил соборен од руските противвоздушни сили, но точната локација каде се случило тоа не е наведена во соопштението.

Градоначалникот на Москва Сергеј Собјанин на каналот Телеграм изјави дека обидот за напад врз Москва се случил во текот на ноќта и дека нема жртви и не е предизвикана материјална штета.

Од украинска страна нема коментар на изјавата на руските власти.

Инаку, ова не е прв напад со дрон врз Москва. Во понеделникот беспилотни летала ги нападнаа Москва и украинскиот полуостров Крим, кој беше анектиран од Русија во 2014 година. Тогаш беспилотно летало удри во складиште за муниција во близина на Џанкој, поради што беше евакуирано населението од неколку соседни села, а локалните патишта беа блокирани за сообраќај.

Во Москва, пак, еден од двата дрона кои оштетија две згради во градот, паднал во близина на воениот објект Комсомолски проспект.

Властите во Москва нападот, во кој немаше повредени лица, го нарекоа  дрзок терористички чин и најавија жестоки одмазнички мерки како одговор.

Претходно дронови кои се движеле кон Москва беа соборени од руските противвоздушни сили на почетокот и на крајот на мај, како и на почетокот на јули. За сите досегашни напади Москва ги обвини властите во Киев, кои не ја презедоа одговорноста за ниту еден од нив, не излегувајќи со никакви коментари во врска со обвинувањата.

Во нападот кој се случи на почетокот на мај, руските власти излегоа со тврдења дека противвоздушните сили собориле две беспилотни летала чија цел бил Кремљ. Москва го оквалификува нападот како обид за убиство на рускиот претседател Владимир Путин, иако тој во тоа време не бил присутен во зградата на руското претседателство.

Со став за нападите во внатрешноста на Русија во понеделникот излезе и Белата куќа, чија портпаролка Карин Жан-Пјер, одговарајќи на новинарско прашање во врска со нападот претходно истиот ден, рече дека американската администрација не ги поддржува ваквите акции.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Уапсени 21 навивач за инциденти пред и за време на натпреварот Шкупи- Левски

Следно

Во пресрет на Илинден, во Крушево првпат се одржа манифестацијата „Старата крушевска чаршија“

Latest from Blog

„Охридско лето“ со незаборавна музичка вечер: Полските виртуози ја воодушевија публиката во Скопје

Националната установа „Охридско лето“ продолжува да ја збогатува културната понуда и надвор од редовната фестивалска сезона, приредувајќи уште една впечатлива концертна вечер во Камерната сала на Македонската филхармонија во Скопје. Виртуозниот полски

Николоски: Стратешкото партнерство со САД е силно, инфраструктурните проекти се реализираат со одлична динамика

Заменик претседателот на Владата и министер за транспорт, Александар Николоски денеска оствари работна средба со Никол Варнс, вршител на должноста амбасадор на САД во земјава.  На средбата беше потврдена посветеноста на стратешкото

Коњановски: Младинско катче и кариерен центар за учениците во битолското економско училиште

Учениците во СОЕУ „Јане Сандански“ во Битола добија младинско катче и кариерен центар. Просторот го уредиле самите ученици со поддршка од нивниот професор и координатор Целе Јолевски, а на свеченото отворање присуствуваше

Николоски: Ниските даноци и пристапот до европскиот пазар се предност за јапонските компании

Македонија нуди најдобри и најконкуретни услови за инвестирање во целиот регион. Имаме континуиран раст на БДП, раст на индустријата и единаесет квартали раст во градежништвото. Исто така, даночната политика е најповолна бидејќи
Go toTop