Кривична за скопјанец кој украл „сузуки“, но крадел и од други автомобили

Скопјанец ќе се соочи со кривична поради кражба на автомобил, но и неколку кражби од паркирани возила на подрачјето на Скопје. 

ЕВР Карпош, до Основното јавно обвинителство Скопје, поднесе кривична пријава против С.Н.(43) од Скопје поради постоење основи на сомнение за сторени кривични дела „одземање возило“, „кражба“ и „тешка кражба“.

По преземени мерки, извршено вештачење и претрес во неговиот дом, извршен со судска наредба, било утврдено дека ноќта помеѓу 06 и 07.02.2023 на ул.„Френклин Рузвелт“ во Скопје одзел патничко возило „сузуки витара“ со скопски регистарски ознаки, сопственост на А.П.(43) од Скопје.

Возилото било пронајдено и вратено на сопственикот.

Ноќта помеѓу 30.06 и 01.07.2023 на паркинг на ул.„Бранислав Нушиќ“ во Скопје, преку незаклучена врата од возило „бмв“ со скопски регистарски ознаки тој одзел пари и платежна картичка со која пазарел. Исто така, тој се сомничи дека во периодот од 01 до 03.07.2023 на паркинг на ул.„Орце Николов“ во Скопје со употреба на сила од возило „волво“ со скопски регистарски ознаки одзел пари, платежни картички и други предмети, по што со картичките пазарел, соопшти полицијата.