Полицијата од местото на настанот собрала 19 чаури
Жртвата Орхан Бајрами-Оки е претставен како сопственик на казино кој бил вклучен и во бизниси со трговија на пијалоци. Медиумите го нарекуваат и неформален водач на криминалната група „Дуќанџик“
Тече истрагата на грчките полиција за убиството што утрово околу 3:30 ч. се случи во Сани Вилас, Ханиоти, при што еден македонски државјанин загина, а уште еден е повреден.
Грчките власти испитуваат дали убиството е резултат на пресметка или се работи за крвна одмзада.
Тамошните медиуми јавуваат дека две маскирани лица кои се возеле на мотор, отвориле оган врз двајца македонски државјани.
Напаѓачите се приближиле до местото каде бил сместен 39 годишниот Орхан Бајрами со четворица пријатели, по што отвориле оган кон него.
Бајрами им подлегнал на повредите, а од фрагментите бил повреден неговиот 45 годишен пријател Сеад Слезовиќ, кој е транспортиран во болница во Полигирос.
Полицијата од местото на настанот собрала 19 чаури, јавуваат грчките медиуми.
Министерството за надворешни работи информира дека амбасадата во Атина стапила во контакт со надлежните грчки институции и со полицијата во Солун, од каде што потврдиле дека во Сани Вилас, Ханиоти, две маскирани лица пукале врз двајца државјани на Северна Македонија.
Жртвата Орхан Бајрами-Оки е претставен како сопственик на казино и бил вклучен и во бизниси со трговија на пијалоци. Медиумите го нарекуваат и неформален водач на криминалната група, „Дуќанџик“.
ИЗВОР: 360stepeni.mk
