Директорот на Канцеларија за Косово и Метохија, Петар Петковиќ, изјави дека косовска полиција вооружена до заби денеска повторно навлегла на територијата на централна Србија, на 500 метри од административната линија.
Според официјален Белград, денеска, полициски службеник од Бујановац забележал брзо движење на возило на косовската полиција од Карачево кон Бистрица, а откако косовските полицајци биле забележани од српските брзо избегале кон територијата на Косово, односно кон Карачево.
„Тоа возило бркало бело комбе кое од патот свртело кон селото. На местото на свртувањето, полициско возило „Дачија“ на таканаречената косовска полиција застанало, а сопатникот, бидејќи во возилото имало две лица, излегол и со поглед испратил каде заминало комбето. Во тој момент биле забележани од припадниците на полицијата на Република Србија и српската полиција се упатила во правец на припадниците на т.н. на косовската полиција со цел да ги спречи „во очигледната намера да претражуваат низ централна Србија“,
изјави Петковиќ.
Петковиќ кажа и дека сопственикот на комбето кое било бркано од страна на косовските полицајци се јавил во полициска станица и раскажал што се случило.
„Тој рече дека припадниците на косовската полиција почнале да го бркаат затоа што имал и има бујановски регистерски таблички без налепници, што било причина зошто го бркале. Возачот на комбе живее во Велики Трновац“,
вели Петковиќ.
Петковиќ кажа дека припадниците на косовската полиција немаат што да бараат на територијата на централна Србија, како што немале што да бараат на 14 јуни, кога биле лоцирани и од српската полиција. Тој презентираше и видео снимка од настанот и кажа дека косовскиот премиер Албин Курти цело време јасно ги крши сите договори и константно провоцира.
Извор: 360stepeni.mk
