Лукашенко нареди целосна борбена готовност по бунтот на „Вагнер“ во Русија

Лукашенко, кој е на чело на Белорусија од 1994 година, вели оти неговата земја мора да биде посилна од заканата што фрла сенка врз неговата земја, за која тврди дека доаѓа од Западот

Белорускиот лидер, Александар Лукашенко, објави дека ја ставил војската на земјата во целосна борбена готовност поради неодамнешниот вооружен бунт во Русија од страна на борците од платеничката група „Вагнер“.

„Ги дадов сите наредби армијата да се подигне во состојба на целосна борбена готовност“,

рече Лукашенко денеска во Минск.

Лукашенко, кој е на чело на Белорусија од 1994 година вели, оти неговата земја мора да биде посилна од заканата што фрла сенка врз неговата земја која, како што тврди, доаѓа од Западот.

Според неговите зборови, граѓаните на Белорусија со загриженост го следеле обидот за бунт во Русија.

„Нема да го сокријам тоа, беше болно да се гледаат настаните што се случија на југот на Русија. Не само за мене. Многу наши граѓани со загриженост го следеа”,

рече претседателот на Белорусија.

Тој исто така тврди дека белоруските граничари речиси секој ден известуваат за провокации од НАТО.

• Путин обвини дека Западот и Киев сакале Русите да се убиваат едни со други