Данска започна со обуката за украинските пилоти за авионите Ф-16

КОПЕНХАГЕН (АА) – Данска започна со обуката за украинските пилоти за авионите Ф-16, пренесува Анадолу.

Оваа информација во изјава за националниот јавен сервис ДР ја потврди Троелс Лунд Поулсен, вршител на должноста министер за одбрана на Данска.

Тој нагласи дека планираат на Украина да ѝ донираат авиони од типот Ф-16.

Според него, за да се изврши оваа донација на авионите Ф-16 на Украина, потребно е украинските пилоти да учествуваат на обука во времетраење од 6 до 8 месеци.

Пулсен информира дека обуките за украинските пилоти за авионите Ф-16 се започнати.

Инаку, Данска нарача 27 авиони од типот Ф-35А со цел да ги заменат авионите Ф-16 во нејзината флота. Новите воени авиони се очекува да влезат во инвентарот на Данските вооружени сили од крајот на 2023 година.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS)..