Ердоган разговараше со Путин за случувањата во Русија

АНКАРА (АА) – Турскиот претседател Реџеп Таип Ердоган телефонски разговараше со рускиот претседател Владимир Путин, јавува Анадолу.

Од Одделот за комуникации при Претседателството на Туркије соопштено е дека двајцата претседатели разговарале за најновите случувања во Русија.

За време на разговорот, Ердоган ја истакнал важноста да се постапува со здрав разум.

Турскиот претседател рекол дека Туркије е подготвена да го направи својот дел за мирно решавање на случувањата во Русија што е можно побрзо.

Рускиот претседател Владимир Путин го обвини шефот на „Вагнер“, Евгениј Пригожин за предавство, откако утрово борците од регионите во Украина под руска контрола влегоа во рускиот град Ростов.

Тензиите меѓу Москва и паравоената група се зголемија откако Пригожин ги обвини руските сили дека ги напаѓаат неговите борци.

Русија синоќа ги негираше тврдењата и издаде налог за апсење на Пригожин.

Во последните месеци, Пригожин во повеќе наврати ја обвини Русија дека не испорачува доволно оружје за паравоената група која се бори заедно со руската војска во Украина.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).