(ВИДЕО) Силно невреме со град го зафати Охридскиот Регион, реки вода течат по улиците

Градоначалникот на Охрид, Кирил Пецаков, свика состанок на Општинскиот кризен штаб поради невремето

Силно невреме проследено со интензивни врнежи од дожд и град околу пладне го зафатија Охрид и околината. На моменти, градот беше со големина на орев, што ќе предизвика штети, особено на овошките и посевите.

Невремето што траеше околу половина час ги испразни улиците низ градот.

Градската канализациска мрежа не можеше да ја прими сета вода, која почна да се излева од шахтите.

Градоначалникот на Охрид, Кирил Пецаков, свика состанок на Општинскиот кризен штаб поради невремето.

„Охридско-струшкиот Регион зафатен од силно невреме проследено со интензивен пороен дожд, грмежи, силен ветер и појава на град“,

соопшти УХМР.

Како што соопштија, невремето е со правец на движење на нестабилност од југозапад кон североисток.