На првиот ден од летото, 21 јуни, издавачката куќа „Арс Ламина“ ја почна својата продажна акција „Летото по книгите се памети“. Во рамките на акцијата, која ќе трае до 14 јули, ќе има попусти до 40 % на сто наслови од областа на белетристиката (бестселери и книги за мотивација и самопомош), како и 20 отсто попуст на повеќе од 60 книги за деца, односно лектири и читанки од едицијата „Лесно читливо!“.
Кампањата ќе се реализира во „Литература.мк“, како и во дел од поголемите книжарници каде што се застапени изданија од „Арс Ламина“. Со оваа акција, преку прифатливи акциски цени, „Арс Ламина“ ја продолжува својата мисија да ги направи книгите полесно достапни до сите читатели и да ги поттикне читачките навики кај сите генерации.
Доколку сакате да ја освежите својата домашна библиотека со нови наслови, по кои ќе го паметите ова лето, „Арс Ламина“ во рамките на оваа акција нуди стотина актуелни изданија со попусти. Од понудата со попуст до 40 отсто ги издвојуваме романите: „Париската библиотека“, „Невидливиот живот на Ади Лару“, „Мојата прекрасна сопруга“, „За пет години“, „Солунска 28“ (1 и 2 дел), „Прашај ме повторно, ќе ти речам ДА“, „Тито, мојот претпоследен херој“ и „Торонто експрес“ од Зоран Спасов-Ѕоф, „Раскажувачката“, „Заеднички стан“, „Разделба“, „Скоро парижанка“ од Јана Мишо, „Океј сме“, „Париз не ве остава“, „Писатели и љубовници“, „Сета светлина што не можеме да ја видиме“, „Афера во музејот за пари“, „Отчукувања“, „Анонимна девојка“ и други. На попуст се и биографските книги: „Вистините во кои веруваме“ од Камала Д. Харис, „Младиот Кастро“, „Ветената земја“ од Барак Обама.
На 35 отсто попуст се едни од најбараните наслови: „Хамнет“, „Дејзи Џонс енд Д сикс“, „Холандската куќа“, „Еднаш засекогаш“, „Мојата мрачна Ванеса“, „Што ти се случило?“, „Иднината на умот “„Остави го светот зад себе“, „Лето како во Мама миа“, „Збунетост“,„Каде што шумата се среќава со ѕвездите“, „Минхен“, „ Замалек“, „Што направи!“, „Список за душа“, „Машини како мене и луѓе како вас“, „Сопруга на хартија“, „Неописливи нешта“, „Американски брак“, „Не си сама“, „Биди со мене“, „Те чекам“, „Последната од девојките Месечини“, „Задоцнетиот живот на Ејми Бајлер“, „Тој почна сѐ“, „Драг Едвард“, како и „Клучот за Ребека“ и „Низ иглени уши“ од Кен Фолет, „Сестрата“, „Подарокот“ и „Рандеву“ од Луиз Џенсен, „Исповеди“ од Колин Хувер и многу други.
Летниот распуст е идеален период за дружба со лектирите. Читањето на лектирите ја зацврстува врската меѓу децата и литературата, помага во сознавање на својот внатрешен и надворешен свет. Тие ја поттикнуваат имагинацијата, креативноста и љубопитноста, и ги прошируваат знаењата. Идеални се за создавање убави спомени. Често, летото се памети по прочитаните книги.
„Арс Ламина“ ја продолжува својата мисија за поттикнување на читачките навики кај децата, со новата продажна акција „Летото по книгите се памети!“ , во рамките на која лектирите и читанките од едицијата „Лесно читливо!“ се на попуст од 20 отсто.
Во едицијата „Лесно читливо!“, која е во издание на „Либи“, дел од „Арс Ламина – публикации“, се застапени лектири и читанки. Во неа се наоѓаат насловите од листата на задолжителни, но и изборни лектири за основно образование одобрени од Министерството за образование и наука. А, за сите деца кои сакаат да прочитаат книга плус, тука се читанките од познати домашни и светски писатели.
„Грдото пајче“, „Хотел за кучиња“, „Збунети години“, „Пајажината на Шарлот“, „Чудна случка со кучето во ноќта“, „Хари Потер и Каменот на мудроста“, „Децата од улицата Пал“, „Мојот звук“ се само дел од лектирите во оваа едиција. Станува збор за модерно дизајнирани и лесно читливи книги, со помош на специјален фонт за полесно читање за деца во фаза на описменување, како и за лица со дислексија, одобрени од Здружението за дислексија „Ајнштајн“ и Филозофскиот факултет во Скопје.
Republika.mk – содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
ИЗВОР: republika.mk
