Борел ги поканил Вучиќ и Курти на средба во Брисел за смирување на тензиите  

June 15, 2023
2 mins read

Средбата, која ја најавил самиот Борел денеска за време на состанокот на министрите за одбрана на земјите членки на НАТО во Брисел, треба да се одржи следната недела, пренесува РТС. Високиот претставник на ЕУ изјавил дека Брисел во соработка со командантот на КФОР и двете страни (Србија и Косово) се обидува да утврди што точно се случило во врска со апсењето на тројца припадници на косовската полиција и која била причината за овој инцидент

Високиот претставник на Европската Унија за надворешна политика и безбедност Жозеп Борел ги поканил српскиот претседател Александар Вучиќ и премиерот на Косово Албин Курти на разговори во Брисел, по заострувањето на тензиите меѓу Белград и Приштина.  

Високиот претставник на ЕУ за надворешна политика и безбедност, Жозеп Борел/Фото: Архива

Средбата, која ја најавил самиот Борел денеска за време на состанокот на министрите за одбрана на земјите членки на НАТО во Брисел, треба да се одржи следната недела, пренесува РТС. Датумот и другите детали за средбата ќе бидат соопштени дополнително.  

„Имајќи предвид дека ситуацијата на теренот секојдневно се влошува, ги поканив највисоките претставници на Белград и Приштина на средба за решавање на кризата“,

изјавил Борел за време на состанокот на министрите за одбрана на НАТО во Брисел. 

Високиот претставник на ЕУ изјавил дека Брисел во соработка со командантот на КФОР и двете страни (Србија и Косово) се обидува да утврди што точно се случило во врска со апсењето на тројца припадници на косовската полиција и која била причината за овој инцидент. 

„Ги повикуваме двете страни да останат смирени. Имајќи предвид дека повторно сме во фаза на управување со кризи, ги поканив Белград и Приштина да разговараат за решенијата за оваа криза“,  

рекол Борел.

Дипломатски извори за Радио Слободна Европа (РСЕ) посочиле дека оваа средба не може да се смета за нова рунда од дијалогот меѓу Белград и Приштина што се води под покровителство на Европската Унија, туку средба за управување со кризи.  

Една од претходните средби на српскиот претседател, Александар Вучиќ и премиерот на Косово, Албин Крути/Фото: EPA-EFE/STEPHANIE LECOCQ

Инаку, и Борел вчера во писмо упатено до косовскиот премиер Албин Курти, потврди дека процесот на дијалог нема да продолжи се додека не се смират тензиите на северот на Косово.  

Шефот на европската дипломатија ја оценил како важна соработката на ЕУ со НАТО, особено во светло на тензиите на северот на Косово. 

Најавата за можна средба меѓу Вучиќ и Курти доаѓа во време кога се интензивираа тензиите на северот на Косово, населен претежно со српска заедница. 

Тензиите започнаа на 26 мај кога градоначалните Албанци со помош на косовската полицијата влегоа во општинските згради во Звечан, Зубин Поток и Лепосавиќ што наиде на реакција од локалното мнозинско српско население.  

Градоначалниците беа избрани на локалните избори што се одржаа на 23 април кои беа бојкотирани локалните српски партии и населението.   

Тензиите кулминираа на 29 мај, кога локалното српско население се судри со припадниците на КФОР пред општинската зграда во Звечан, кога беа повредени десетици луѓе од двете страни.  

Косовската полицијата на 13 јуни во Северна Митровица го уапси Милун Миленковиќ кој според министерот за внатрешни работи на Косово Џелал Свечла е осомничен дека е еден од организаторите на протестите и нападот на силите на КФОР во Звечан. 

Ден подоцна, односно вчера тензиите меѓу Белград и Приштина повторно добија на интензитет по апсењето на тројца косовски полицајци.  

Во врска со случајот, официјален Белград тврди дека тие биле уапсени на територијата на Србија, додека, пак, властите во Приштина наведуваат дека полицајците биле киднапирани на територијата на Косово.   

Српските власти вчера соопштија дека косовски полицајци се уапсени во областа на општина Рашка, на длабочина од повеќе од еден километар на територијата на Србија.  

Косовската полиција, пак, соопшти дека полицајците биле киднапирани за додека патролирале во градот Тресава – Баре, во општина Лепосавиќ, на граничната линија на северот на Косово. 

Поврзани вести:

Извор: 360stepeni.mk

MARKETING

MARKETING

MARKETING

Претходно

Промовирани книгите „Радио“ и „Неправилен ритам“ на новинарот Љупчо Јолевски во Тетово

Следно

Панова: Борба со корупцијата не е можна од луѓе кои што лично се вплеткани длабоко во криминал и корупција

Latest from Blog

Славјето на Денот на албанското знаме на скопските улици заврши со засилено полициско присуство

Со колони возила со развиорени знамиња на Албанија вечерва низ скопските улици се славеше Денот на албанското знаме.  Во центарот на градот забележително беше засилено полициско присуство. Денот на албанското знаме денеска

Е.Пелистер поразен од Веспрем

Ракометарите на Е. Пелистер го доживеаја и шестиот пораз во деветтиот натпревар од Лигата на шампионите, овој пат со 33-26 (20-11) на гостувањето против унгарски Веспрем. Уште по првото полувреме беше јасно

Ирански генерал загина во судирите меѓу режимот на Асад и антирежимските групи во Алепо и Идлиб

Бригадниот генерал Кејумерс Пурхашими, еден од командантите на Армијата на иранската револуционерна гарда, загинал во нападот што го изврши сириската опозиција на западниот дел на Алепо, известува Анадолу. Според веста на иранската

Сиљановска Давкова се сретна со претседателот на Собранието на Црна Гора

Претседателката Гордана Сиљановска Давкова, во рамки на официјалната посета на Црна Гора, денеска во Подгорица оствари средба со претседателот на Собранието на Црна Гора, Андрија Мандиќ. На средбата беше изразено задоволство од

Стојановски: Приватните превозници го прифатија предлогот на советниците од ВМРО-ДПМНЕ во Град Скопје, цената за километар да биде 100 денари!

Мартин Стојановски, координатор на советничката група на ВМРО-ДПМНЕ во Советот на Град Скопје, денеска истакна дека приватните превозници го прифатиле предлогот на советниците од ВМРО-ДПМНЕ, а цената за километар ќе биде 100
Go toTop