Порталот „Индекс онлајн“, објави идентитет и фотографија од убиениот и пишува дека бил пронајден во автомобил што е со регистарски ознаки од Република Северна Македонија. Меѓутоа, засега нема официјална потврда на овие информации
Вечерва во пукање во Приштина убиено е едно лице, објавија косовските медиуми.
Полицијата го потврди случајот наведувајќи дека околу 20 часот примиле пријава за пукањето кое се случило на улицата „Ц“ во Приштина.
„Полицијата излезе на местото на настанот и од првичните информации добиени од лекарите од Итната медицинска помош, потврдено е дека едно лице е без знаци на живот“,
вели портпаролката на полицијата за регионот на Приштина, Флора Ахмети, во изјава што ја пренесуваат повеќе медиуми во Косово.
Дел од порталите објави дека било пукано од калашников и оти во близина на местото на настанот е пронајдено запалено возило, но нема официјална потврда дека автомобилот е поврзан со убиството и пукањето.
Порталот „Индекс онлајн“ доцна вечерва објави и детали вклучително и индентитетот и фотографија од убиениот. Повикувајќи се на свои извори тие наведоа дека убиеното лице е со иницијали Б.Д., имал лажни документи кои ги користел и гласеле на име Блерим Шабани. „Индекс онлајн“ пишува дека неговото тело било пронајдено во неговиот автомобил што е со регистарски ознаки од Република Северна Македонија. Меѓутоа, засега нема потврда на овие информации.
Извор: 360stepeni.mk
