Рама одговори на критиките дека официјална Тирана не реагирала за случајот со тројцата косовски полицајци и побара да се почека својот збор да го каже и КФОР
Албанскиот премиер Еди Рама повика на итна деескалација на тензии меѓу Белград и Приштина откако денеска тројца припадници на косовската полиција беа уапсени од страна на српските безбедносни служби.
Рама повика да се почека реакција од КФОР кој го истражува случајот.
„Го чекаме зборот на КФОР кој го истражува случајот и стоиме на ставот за итна деескалација“,
нагласи Рама.
Тој реакцијата ја објави на социјалните мрежи каде всушност одговори на критиките дека официјална Тирана не реагирала.
„Кој вели дека молчиме или кој сака да долее масло на огнот со обвинувања додека КФОР го истражува случајот – не му е грижа за Косово или Албанија, туку само за изгубената политичка војна против мене“,
вели Рама.
За случајот со косовските полицајци има две спротивставени верзии. Приштина тврди дека тие биле киднапирани од војската на Србија на косовска територија близу државната граница, а Белград уверува дека косовските полицајци навлегле во територијата на централна Србија и затоа биле уапсени од полицијата, а не од војската.
*Поврзани вести:
- Тројца вооружени косовски полицајци уапсени на територијата на централна Србија
- Свечла: Криминална Србија влезе на територијата на Косово и киднапира тројца полицајци
- Петковиќ: Специјалците на Курти не се киднапирани, уапсени се
- Курти бара итно ослободување на косовските полицајци од Србија: Ова е агресија и намера за ескалација
- Косово со итна мерка: Целосно го забрани увозот од Србија по „киднапирањето“ на косовските специјалци
- Вучиќ: Курти сака да предизвика војна по секоја цена
Извор: 360stepeni.mk
