Недим Османовиќ, професор по англиски јазик, утрово е тешко ранет во пукотница во Лукавац, а моментно е на операција во УКЦ „Тузла“. Во него пукал малолетник со иницијали Г. М.
Полицијата ги објави деталите.
„Веднаш по добивањето на пријавата, кога полициските службеници од ПУ Лукавац излегле на местото на инцидентот, затекле дете за кое постои сомневање дека пукало од огнено оружје, при што биле пронајдени фрлено огнено оружје и други предмети.
Детето, кое е под 14 години, е под полициски надзор во просториите на СВ Лукавац, а огненото оружје и другите фрлени предмети се обезбедени до почнување на истрагата, велат од полицијата.
„Обезбедувањето на местото го вршат полициски службеници на ПУ/ПС Лукавац, а истрагата ќе ја вршат под надзор на дежурниот обвинител на КТТК, кој е на самото место, истражителите на Секторот за криминалистичка полиција на полициската управа на МУП ТК и ОКП на ПУ Тузла. На местото на настанот е присутен и обвинител за малолетници. Со согласност со одредбите од Законот за заштита на децата и малолетниците во кривична постапка, не можеме да дадеме повеќе информации“, соопшти МВР на кантонот Тузла, пренесуваат локалните медиуми.
ИЗВОР: kurir.mk
