Ердоган му честита на Манчестер Сити за освојувањето на титулата во УЕФА Лигата на шампиони

ИСТАНБУЛ (АА) – Претседателот на Република Туркије, Реџеп Таип Ердоган, му честита на тимот на Манчестер Сити за освојувањето на титулата во Лигата на шампиони на УЕФА, јавува Анадолу.

Фудбалерите на Манчестер Сити станаа европски шампиони откако во финалето на олимпискиот стадион „Ататурк“ во Истанбул го совладаа Интер со 1:0.

Претседателот Ердоган на својот профил на социјалните мрежи прати честитка до Манчестер Сити.

„Му честитам на тимот на Манчестер Сити кој ја освои титулата во финалето на Лигата на шампиони, едно од најголемите спортски натпреварувања во светот, одиграно на олимпискиот стадион ‘Ататурк’, чиј домаќин беше нашиот Истанбул, лулката на цивилизациите и зеницата на окото на Туркије. Би сакал да им се заблагодарам на сите што уште еднаш го покажаа гостопримството на Туркије и придонесоа за убавата и успешна организација на големото натпреварување“, истакна турскиот претседател.

Англискиот тим ја освои својата прва титула европски шампион, а Интер ја пропушти шансата да го освои трофејот во Лигата на шампиони четврти пат во својата историја.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).