Нови дојави за бомби во училишта низ Црна Гора: Откажано екстерното за деветтоодделенците, наставата онлајн

Евакуирани, како што се додава, се и повеќе градинки во главниот град на земјата, Подгорица, поради наводно поставени експлозивни направи

Нови закани за поставени експлозивни направи утрово пристигнале на електронските адреси на повеќе училишта во Црна Гора, јавуваат тамошните медиуми.

Министерството за образование на Црна Гора соопшти дека поради заканите наставата во училиштата во земјата денеска ќе се одржува онлајн, а откажано е и екстерното тестирање за учениците кои завршуваат деветто одделение, пишува „Вијести“.

Евакуирани, како што се додава, се и повеќе градинки во главниот град на земјата, Подгорица, поради наводно поставени експлозивни направи.

Полицијата на Црна Гора ги презема сите активности од своја надлежност во врска со дојавите за поставени експлозивни направи во повеќе институции“,

се наведува во објавата на полицијата на Твитер, по дојавите за поставени бомби утрово.

@PolicijaCG preduzima sve aktivnosti iz svoje nadležnosti u odnosu na dojave o postavljenim eksplozivnim napravama u više institucija u 🇲🇪.
Sa ishodom će javnost biti blagovremeno obaviještena.

— Uprava policije Crne Gore (@PolicijaCG) June 9, 2023

Повеќе училишта, судови, општини и институции во Црна Гора и вчера беа цел на дојави за поставени бомби. Поради закана за поставена експлозивна направа, беше евакуирана и зградата на црногорскиот парламент.

По целодневните проверки, полицијата соопшти дека бил извршен увид на 165 локации е утврдено дека станува збор за лажни дојави.

Од црногорското министерство за внатрешни работи, исто така соопштија дека се работи на идентификување на ај-пи адресата од која се испратени електронските поради со заканувачка содржина.