АНКАРА (АА) – Новоименуваниот министер за надворешни работи на Туркије, Хакан Фидан, денес ја презеде функцијата во Министерството од неговиот претходник Мевлут Чавушоглу, јавува Анадолу.
Фидан, кој беше шеф на Националната разузнавачка служба (МИТ) од 2010 година, беше назначен за министер за надворешни работи од претседателот Реџеп Таип Ердоган.
Ердоган во саботата го претстави својот нов кабинет откако присуствуваше на церемониите за полагање заклетва и инаугурација во Парламентот и Претседателскиот комплекс во главниот град Анкара.
Министрите за надворешни работи низ светот му честитаа на Фидан за неговото назначување.
Фидан (55) беше назначен за шеф на МИТ во мај 2010 година од тогашниот премиер Ердоган. Пред неговото назначување во МИТ, Фидан работеше во канцеларијата на Ердоган како заменик-потсекретар.
Тој е оженет и има три деца.
Извор: www.aa.com.tr
