ЕУ ја казни „Мета“ со рекордни 1,2 милијарда евра поради недоволна заштита на корисничките податоци

May 22, 2023
1 min read

Ирската Комисија за заштита на податоците објави дека компанијата „Мета“, сопственик на Фејсбук, не ја почитувала пресудата од 2020 година на највисокиот суд на ЕУ дека податоците испратени преку Атлантикот се недоволно заштитени од американските разузнавачки агенции

Комисијата за заштита на податоците на Ирска (DPC), главниот регулатор за приватност во Европската Унија, ја казни компанијата „Мета“, сопственик на социјалната мрежа Фејсбук, со рекордни 1,2 милијарда евра поради несоодветен пренос на кориснички податоци од државите на Европската Унија во Соединетите Американски Држави (САД).

Илустративна фотографија со логото на компанијата „Мета“/Фото: EPA-EFE/ALEX PLAVEVSKI

Ирската комисија за заштита на податоците објави дека компанијата не ја почитувала пресудата од 2020 година на највисокиот суд на ЕУ дека податоците испратени преку Атлантикот се недоволно заштитени од американските разузнавачки агенции.

Одлуката која е објавена денеска се однесува само на социјалната мрежа Фејсбук, а не и на Инстаграм и Ватсап (WhatsApp), кои ги поседува „Мета“ на Марк Закерберг.

„Мета“ доби рок од пет месеци да го запре преносот на кориснички податоци од земјите на Европската Унија во САД, пренесува Ројтерс.

Од компанијата најавија дека ќе се жалат на пресудата, која ја сметаат за неправедна и непотребна, но, како што пренесува „Њујорк тајмс“, нема да има прекин на услугите на Фејсбук во Европската Унија.

„Мета“ минатиот месец рече дека очекува новиот договор меѓу ЕУ и САД, кој го регулира безбедното пренесување на податоците на корисниците на ЕУ во САД, целосно да се спроведе пред компанијата да престане да пренесува податоци.

Претходните предупредувања на „Мета“ дека Фејсбук може да биде суспендиран поради забраната од ЕУ нема да се остварат во случај на договор меѓу ЕУ и САД, наведува Ројтерс.

Рамковниот договор за заштита на податоците меѓу ЕУ и САД би можел да биде готов во јули, но „Мета“ предупреди на можно одложување

Инаку, претставниците на САД и ЕУ преговараат за нов договор за споделување податоци што ќе обезбеди нова правна заштита за „Мета“ и континуиран пренос на корисничките податоци меѓу САД и Европа.

Случајот против „Мета“ произлезе од американската политика која им дава можност на разузнавачките агенции да пресретнуваат комуникации од странство, вклучително и оние преку дигиталната кореспонденција.

Европскиот суд на правдата смета дека со тоа се повредуваат основните права на европските корисници.

Во реакцијата од „Мета“ денеска наведуваат дека нивната компанија е „неправедно издвоена поради практиката на споделување податоци што ја користат илјадници компании“.

„Без можност за пренос на податоци преку границите, интернетот може да се подели на национални и регионални силоси, ограничувајќи ја глобалната економија и оставајќи ги граѓаните во различни земји без пристап до многу од заедничките услуги на кои почнавме да се потпираме“, се наведува  дојдовме да се потпреме“,

се наведува во реакцијата од „Мета“.

Извор: 360stepeni.mk

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Пашинјан: Ерменија подготвена да го признае Нагорно Карабах како дел од Азербејџан

Следно

СО ИЗЛОЖБА ЗА МАРТИНОСКИ И КОНЦЕРТ НА БИТОЛСКИОТ КАМЕРЕН ОРКЕСТАР, В ПЕТОК ПОЧНУВА ПРОГРАМАТА ОД „КРУШЕВО – ГРАД НА КУЛТУРАТА“

Latest from Blog

Проданоски: Граѓани и волонтери се обединија во акција за позелен Прилеп

Околу 500 садници беа засадени во близина на манастирот „Св. Димитриј“ кај прилепското село Селце, во акција организирана од Здружението „Сина револуција“, со поддршка од компанијата „Бехтел ЕНКА“. Во акцијата, организирана по

И ЗДРАВЈЕ И РАБОТА: Македонија не смее да остане надвор од европските и светските процеси за развој на современо и одговорно рударство

Активирањето на домашните минерални потенцијали е можност за нови инвестиции, работни места, развој на домашните компании и технолошка модернизација на македонското рударство Светот влегува во нова фаза на развој на рударскиот сектор.

Скопје во центарот на регионалната енергетска соработка – прв форум посветен на зелената транзиција и жените во енергетиката

На 25 ноември 2026 година, Скопје ќе биде во центарот на регионалниот дијалог за иднината на енергетиката. Во хотелот „Александар Палас“ ќе се одржи Првиот форум за енергетска дипломатија „Обновливи извори и

Струјата во Македонија речиси 60 отсто поевтина од европскиот просек: Еве колку плаќаат граѓаните во ЕУ

Македонија има една од најниските цени на електричната енергија за домаќинствата во Европа, покажуваат најновите податоци за првата половина од 2026 година. Според анализата објавена од „Еуроњуз“, електричната енергија во Македонија е

Николоски: До крајот на мај автопатот Кичево – Охрид ќе биде целосно пуштен во употреба

Изградбата на автопатот Охрид-Кичево се одвива со одлична динамика. Силно сме посветени заедно со изведувачот и надзорот и согласно зададениот рок ќе го завршиме целосно, изјави заменик претседателот на Владата и министер
Go toTop