КАМПАЛА (АА) – Нападите извршени од страна на вооружените групи во изминатите два месеца ги однесоа животите на повеќе од 500 цивили и раселија над еден милион лица на териториите Дјугу и Махаги во покраината Итури во источниот дел на Демократска Република Конго, изјави официјален претставник, пренесува Анадолу.
Радиото на ОН во ДР Конго го цитираше главниот директор на канцеларијата на МОНУСКО во Итури, Марк Карна Соро, кој им се обраќаше на новинарите во градот Бунија.
Соро, кој штотуку се вратил од мисија во јужната територија на Ируму, зборувал за целокупната безбедносна ситуација во покраината.
Според него, за два месеца биле убиени 530 луѓе, а повеќе од еден милион раселени луѓе се собрани околу различни бази на МОНУСКО.
Источните покраини на ДР Конго, вклучително и Итури, Северен Киву и Јужен Киву, долго време страдаат од напади на вооружени групи што убиваат цивили и ограбуваат имот, силуваат жени и девојки.
Извор: www.aa.com.tr
