(ФОТО+ВИДЕО) Бели рози, солзи, аплауз, но и навреди кон Вучиќ на натпреварот Партизан

„Вклучи го мозокот – исклучи ја Пинк“, пишувало на транспарентот против провладината телевизија, а по кој следел аплауз и навреди кон претседателот, јавува „Нова.рс“

Кошаркарите на Партизан и Реал вечерва во „Штарк арената“ во Белград ги одмеруваат силите во четвртиот меч од плеј-оф фазата во Евролигата, но целиот натпревар тече во секна на вчерашниот масакр што се случи вчера во Основното училиште „Владислав Рибникар“ во кој 13-годишен ученик уби девет лица – чуварот и осум ученици.

Наместо вообичаената атмосфера, вечерва трибините се полнеа во тишина. Пред натпреварот, кошаркарите запалија свеќи, носеа маици на кои е испишано името на училиштето, а бројни граѓани донесоа кадифени играчки и цвеќиња.

Навивачката група Гробари одлучи да не навива во првото полувреме, а на почетокот на мечот, од трибините беа фрлени илјадници рози кон теренот. Голем број од навивачите беа во солзи, а имаше и громогласен аплауз.

Пред судијата да означи старт на натпреварот, имаше и едноминутен молк.

Гробари имаа и неколку транспаренти.

„Оддалечувањето од традицијата, верата, семејството, секогаш оставаат трагични последици. Спокој на душите на настраданите во училиштето ’Владислав Рибникар‘“,
пишувало на еден од нив, пренесува „Новости.рс“.

Transparent Grobara posvećen stradalima u tragediji u osnovnoj školi na Vračaru pic.twitter.com/S3YRsU8kap
— Kalabaster (@KalabasterJak) May 4, 2023

Порталот „Нова.рс“, јавува дека еден од транспарентите бил насочен и против провладината телевизија Пинк, а навивачите го покажале во текот на второто полувреме.

„Вклучи го мозокот – исклучи ја Пинк“, пишувало на транспарентот.

По ова, пренесува порталот, следеле аплаузи за развиорениот транспарент, а на тоа се надоврзале и навреди упатени на адреса на српскиот претседател Александар Вучиќ.