Најголемиот турски воен брод „ТЏГ Анадолу“ испорачан на Турската воена морнарица

April 11, 2023
1 min read

ИСТАНБУЛ (АА) – Најголемиот турски воен брод „ТЏГ Анадолу“ официјално ѝ е испорачан на Турската воена морнарица, јавува Анадолу.

На церемонијата на испорака на бродот во бродоградилиштето во Истанбул присуствуваа највисоки државни претставници, меѓу кои и претседателот Реџеп Таип Ердоган и државните министри.

Ердоган во своето обраќање истакна дека најголемиот турски воен брод дополнително ќе ја зајакне позицијата на Туркије во регионот.

„Воениот брод ‘ТЏГ Анадолу’ го гледаме како симбол што ќе ја зајакне нашата водечка позиција во овој регион и дополнително ќе го зајакне нашето право на глас во светот“, рече турскиот претседател.

Додаде дека овој воен брод е специфичен по многу нешта.

„’ТЏГ Анадолу’ е првиот воен брод во светот во својата категорија на кој може да слетуваат и полетуваат најголемите и најтешките хеликоптери и беспилотни летала“, рече Ердоган и додаде:

„Нашиот ‘ТЏГ Анадолу’ го красат карактеристики што, во случај на потреба, ќе ни овозможат изведување воени и хуманитарни операции во секој дел од светот.“

Нагласи дека се многу горди на ова големо достигнување на Република Туркије.

„Фактот дека Туркије е една од десетте земји што дизајнираат, развиваат и одржуваат сопствен брод не е обичен слоган, туку успех со кој треба да се гордееме“, рече турскиот претседател.

Изградбата на воениот брод „ТЏГ Анадолу“ започна во април 2016 година и завршена е по седум години.

Ердоган истакна дека воениот брод ќе биде од огромна корист за Туркије.

„Но ова не е доволно. Нашата втора фаза е да изградиме цел носач на авиони. Веќе разговаравме со многу земји за тоа, работиме на тоа и ќе го постигнеме тоа“, рече Ердоган.

Додаде дека 70 отсто од воениот брод „ТЏГ Анадолу“ е изграден со локални капацитети.

Бродот „ТЏГ Анадолу“ може да пренесе единици со големина на баталјон на одредена локација со сопствена логистичка поддршка, без потреба за поддршка од матична база. Изграден во истанбулското бродоградилиште Седеф, овој воен брод може да превезува хеликоптери, дронови, копнени возила, лесни воени пловила и персонал.

Воениот брод „ТЏГ Анадолу“ е долг 231 метар и широк 32 метра, а може да превезува товар од околу 27 илјади тони.



На веб страницата на Anadolu Agency (AA) објавена е само дел од содржината на вестите од Системот на проток на вести (HAS).

Извор: www.aa.com.tr

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

ПРАИЗВЕДБА НА „ВЕЌЕ НЕ Е НИ СМЕШНО“ ОД КОКАЛАНОВ, ВО РЕЖИЈА НА ЈАНИЌИЈЕВИЌ ВО ТЕАТАР КОМЕДИЈА

Следно

Бајден го потпиша нацрт-законот со кој се става крај на националната вонредна состојба за КОВИД-19

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop