Утрово во посета на Општина Аеродром беа дечињата од детската градинка „Буба Мара“, кои на градоначалникот Тимчо Муцунски му ја претставија својата изработка на дрво создадено од пластични капачиња.
-Тие земаа учество во проектот „Патоказ за еко-паметна општина“ кој Центарот за климатски промени со поддршка на Амбасадата на САД го спроведува во Општина Аеродром.
Едукацијата за здравата животна средина неопходно е да започне од најрана возраст и во таа насока ние во континуитет даваме поддршка за проектите и активности кои се насочени кон подигнување на свеста за дечињата за здрава, одржлива и чиста животна средина, информираат од општина Аеродром.
ИЗВОР: skopjeinfo.mk
