По три меча во Лига на нации, фудбалската репрезентација на Македонија не само што нема освоено ниту еден бод, туку нема постигнато ниту еден погодок. Во трите натпревари против Швајцарија, Словенија и Шкотска, Македонија прими седум голови, а не постигна ниту еден. Иако постојано губиме, најдобриот фудбалер во репрезентацијата на Македонија е голманот Столе Димитриевски.
Голманот на Македонија е херојот затоа што да не беше тој, противниците ќе победуваа и многу поубедливо. Тоа во своите изјави по победите во Скопје го истакнаа и селекторите на Швајцарија и Шкотска. Предводникот на Швајцарија Мурат Јакин кажа дека неговата селекција требало да постигне уште еден-два гола во Скопје, додека селекторот на Шкотска, Себастиен Покоњоли синоќа изјави дека требало да дадат повеќе погодоци.
Секако ова „незадоволство“ на селекторите на Швајцарија и Шкотска е поради фантастичните одбрани на Димитриевски. Едноставно ако тој не беше да го чува нашиот гол, поразите ќе беа катастрофални.
Откако Седлоски е селектор на Македонија, нашата репрезентација нема постигнато гол во седум меча, а прими дури 15 погодоци. Иако ова е катастрофална статистика за нас, со просек од повеќе од два примени гола на меч, голманот Димитриевски е херојот затоа што сите противници на крајот жалат што не погодувале уште повеќе.
Извор: sportmanija.mk
