Винченцо Монтела не очекувал навивачите на Турција да реагираат толку луто за време на поразот од 1-4 против Италија, „по сè што неговите момци направиле во последните три години“.
Турците веруваа во позитивен резултат против „слабата“ Италија, па за нив беше огромен шок кога Аѕурите среде Бурса водеа со 3-0 по само 27 минути игра.
Италијанскиот тренер се соочуваше со силни критики и по елиминацијата во групната фаза од Светското првенство летоска, но сега притисокот е многу поголем.
„Играњето на секои три дена на ова ниво бара одреден фокус и искуство што во моментов ни недостасува. Потребно е ментално, како и физичко ресетирање на секои неколку дена, а тоа не е лесно да се научи брзо. Бевме во Лигата на нации Ц пред две години, ја освоивме Лига Б со мене, сега сме во Лига А. Нивото во оваа лига е различно. Атмосферата беше прекрасна пред натпреварот, навистина не очекував одеднаш толку негативна реакција по сè што овие момци направија во последните три години“, рече Монтела.
Тој смета дека Италијанците биле ментално поподготвени, а неговиот тим некоординиран и ја изгубил вербата. Тој се бранеше и со анализи дека според пазарната вредност на тимовите, Италија е двојно поскапа.
Дури и пред полувремето, имаше гласни скандирања од публиката со кои се бараше оставка од Монтела, заедно со претседателот на Турската фудбалска федерација.
Извор: sportmanija.mk
