Министерот за социјална политика, демографија и млади, Ѓоко Велковски, денеска оствари средба со постојаната координаторка на Обединетите нации во Република Северна Македонија, Рита Колумбија.
Во фокусот на разговорите беа демографските политики, младите и родовата еднаквост како клучни области за одржлив развој на државата. Министерот Велковски ги претстави приоритетите на Министерството, истакнувајќи дека посебно внимание е насочено кон креирање мерки за подобрување на демографските состојби, создавање подобри можности за младите и нивно поактивно вклучување во процесите на донесување одлуки.
Соговорниците ја нагласија важноста од унапредување на родовата еднаквост преку политики што обезбедуваат еднакви можности и поттикнуваат инклузивен општествен развој.
Постојаната координаторка на Обединетите нации, Рита Колумбија, ја изрази подготвеноста на системот на Обединетите нации да продолжи со поддршка на Министерството во спроведувањето на политики и иницијативи во овие области.
На средбата беше потврдена заедничката определба за понатамошно зајакнување на соработката помеѓу Министерството за социјална политика, демографија и млади и агенциите на Обединетите нации, преку конкретни активности насочени кон подобрување на демографските политики, унапредување на положбата на младите и промовирање на родовата еднаквост.
Извор: zurnal.mk
