Општина Струга соопшти дека денеска е продадено службено возило за сума од 22.000 евра, а средствата ќе бидат искористени за намалување на јавниот долг на општината.
Од локалната самоуправа наведуваат дека станува збор за возило кое, според нив, било симбол на прекумерниот луксуз на претходното општинско раководство. Според соопштението, продажбата е дел од политиката за намалување на трошоците и рационално управување со јавните финансии.
„Возниот парк на Општина Струга треба да располага со возила кои се неопходни за ефикасно и нормално функционирање на општинската администрација“, соопштија од Општината.
Од таму додаваат дека ваквиот пристап, насочен кон кратење на расходите и намалување на јавниот долг, треба да создаде услови за поголем развој на општината во наредниот период.
Општината не соопшти дополнителни детали за купувачот на возилото, ниту за неговите претходни карактеристики или проценетата вредност.
Извор: zurnal.mk
