Долниот дом на парламентот на Романија вчера го унапреди предлог-законот со кој се прогласува дека треба да отпочнат преговори за обединување со соседна Молдавија, објави „Романија инсајдер“.
Предлогот беше автоматски усвоен, откако пратениците не успеале да го разгледаат пред истекот на законскиот рок.
Оваа постапка, позната како „тивко усвојување“, значи дека предлог-законот се смета за одобрен доколку парламентот не преземе ништо во пропишаниот рок.
Во документот се наведува дека парламентот ја овластува владата на земјата веднаш да започне преговори со Кишињев за конечно обединување со Република Молдавија.
Според текстот на законскиот предлог, по усвојувањето на законот и по неговото објавување во Службен весник, ќе бидат известени надлежните меѓународни институции, Владата на Република Молдавија, Соединетите Американски Држави, НАТО, ОН и Европската Унија за спроведување на одредбите од законот.
Истовремено, предлог-законот ја потврдува приврзаноста на иницијаторите кон одредбите од Завршниот акт на Конференцијата за безбедност и за соработка во Европа (ЦСЦЕ) во Хелсинки, кој дозволува измена на границите по мирен и по дипломатски пат.
Извор: vecer.mk
