Германската крајно десничарска партија Алтернатива за Германија (AfD) достигна нов максимум во потенцијалната поддршка од гласачите, според истражувањето на INSA објавено денес.
Според анкетата, 35 проценти од испитаниците рекле дека можат да замислат да гласаат за AfD. Тоа е шест процентни поени повеќе од моменталната поддршка на партијата и доволно за да се надмине изборниот потенцијал на Христијанско-демократската унија CDU/CSU на канцеларот Фридрих Мерц.
Во истата анкета, испитаниците одговориле за која партија би гласале кога ќе се одржат изборите следната недела. AfD беше прва со 29 проценти поддршка, со што дополнително ја консолидираше предноста што ја имаше со месеци.
CDU/CSU падна на 21 процент, што е за повеќе од седум процентни поени помалку отколку на изборите во февруари 2025 година.
Поддршката за Мерц опаѓа, илјадници излегоа на улиците на Берлин против него
Резултатите доаѓаат во време кога популарноста на Мерц продолжува да опаѓа поради незадоволството од економската состојба, конфликтите во рамките на владејачката коалиција околу буџетските приоритети и контроверзните реформи.
Во последните недели, притисокот врз канцеларот се зголемува. Во Берлин, неколку илјади демонстранти неодамна се собраа за да побараат негова оставка, со антиимигрантски пораки и слогани поврзани со екстремната десница.
Во исто време, истражувањето на Институтот Форса покажа дека дури 85 проценти од испитаниците се незадоволни од работата на Мерц, додека само 13 проценти од граѓаните го поддржаа.
Во последните денови, германските медиуми известуваа и за шпекулации за можни предизвици за неговото водство во рамките на ЦДУ, иако владата ги отфрли таквите обвинувања.
Низа теми што предизвикуваат контроверзии во владејачката партија
Меѓу контроверзните теми се воената служба, пензискиот систем, даноците, здравствената реформа и можните намалувања на социјалните бенефиции.
Според најновото истражување на агенцијата Форса, само 14 проценти од испитаниците се задоволни од работата на Мерц, додека 84 проценти се незадоволни.
Во последните денови, германските медиуми пишуваа за сè погласни шпекулации за можни внатрепартиски предизвици за неговото водство, иако владата ги отфрли ваквите тврдења како шпекулации. Хендрик Вуст, премиерот на најнаселената германска федерална покраина Северна Рајна-Вестфалија, беше споменат во медиумите како потенцијален наследник.
Зелените пред СПД
На третото место се Зелените со 14,5 проценти поддршка, пред Социјалдемократската партија на Германија (СПД), која има 12 проценти.
Левицата е на петтото место со 10,5 проценти поддршка.
Во исто време, речиси половина од испитаниците, 49 проценти од нив, рекле дека нема да гласаат за AfD под никакви околности. Од друга страна, 31 процент од испитаниците ја исклучуваат можноста да гласаат за CDU/CSU.
Слични резултати и од Europe elects
AfD-ESN: 27%
CDU/CSU-EPP: 22% (+1)
GRÜNE-G/EFA: 15%
SPD-S&D: 11% (-1)
LINKE-LEFT: 11%
FDP-RE: 5%
BSW-NI: 3%
Која е Алис Вајдел, а што е AfD?
Алтернатива за Германија (AfD) е политичка партија основана во 2013 година, постојано опишувана како крајно десничарска, националистичка и популистичка од водечките меѓународни новински агенции како што се Ројтерс, АП и АФП.
Партијата го изгради своето политичко влијание врз платформа на силно спротивставување на масовната имиграција и евроскептицизмот.
Од почетокот на руската инвазија на Украина, AfD се профилираше како најгласен противник на испраќањето германско оружје во Киев и наметнувањето економски санкции врз Москва.
Поради ваквите позиции, политичките противници и западните пропагандни аналитичари редовно ги означуваат како проруска опција која директно ги застапува интересите на Кремљ во германскиот политички простор.
Алис Вајдел, доктор по економија со долгогодишно искуство во финансискиот сектор, е на чело на партијата како копретседател (заедно со Тино Чрупала) и го предводи пратеничкиот штаб на АфД во федералниот парламент (Бундестаг). Таа се смета за една од најартикулираните, но и најконтроверзните личности на германската политичка сцена.
Извор: vecer.mk
