Играчите на Арсенал ја прославија титулата во Премиер лигата со спектакуларна забава, која траеше цела ноќ и заврши со неочекувана средба со играчи од големиот ривал Тотенхем.
Тие прво организираа раскошна вечера за целиот нетехнички персонал на клубот во луксузен медитерански ресторан во Мејфер. Прославите започнаа во ексклузивниот ресторан „Баканалија“, каде што беа присутни менаџерот Микел Артета, неговиот тренерски персонал и нивните семејства. На настанот беа поканети и вработените во тренинг-центарот на Арсенал, заедно со нивните најблиски, за да го одбележат историското достигнување. За разлика од првичните прослави по ремито на Манчестер Сити со Борнмут, кои беа главно за играчите, овој пат собирот беше многу поголем и поинклузивен. Беа поканети и пријатели на играчите, а местото беше затворено за надворешни лица за да се обезбеди ѕвездите на Арсенал и нивните семејства да можат да уживаат во незаборавна вечер во приватност.
Но, „Баканалија“ беше само почеток на посебна вечер за новите шампиони. Подоцна, некои од играчите се упатија кон популарниот клуб „Багател“ во центарот на Лондон за да ја продолжат забавата и да се релаксираат по исцрпувачката битка за титулата.
Таму, ѕвездите на Арсенал наидоа на други играчи од Премиер лигата кои исто така уживаа по последниот ден од извонредната сезона.
Прославата се пресели и на трето место – ноќниот клуб „Тејп“, едно од најексклузивните места во Лондон. Таму некои од играчите на „Топџиите“ се сретнаа со своите колеги од Тотенхем, кои исто така го славеа крајот на сезоната.
The Arsenal after Party. 🏆 pic.twitter.com/szCMN7elt5
— AFC (@TheHighburyLad) May 25, 2026
Извор: vecer.mk
