Она што се најавуваше, попладнево е официјално. Откако вчера се случи една од најголемите бламажи во историјата на Милан, раководството на клуб денеска искочи со соопштение во кое се вели дека Макс Алегри не веќе тренер на првиот тим, но и дека се разрешени сите директори во клубот.
Ова доаѓа откако Милан вчера дома беше поразен од Каљари со 1:2 во последното коло, иако и бод му беше доволен за пласман во ЛШ.
Ова е соопштението на Милан:
“По разочарувањето од минатата година, мандатот поставен за клубот беше да се врати во Лигата на шампионите и да воспостави основа за постојани победи на врвот на Серија А. Во поголемиот дел од оваа сезона бевме на првите две позиции во Серија А, со веродостојна шанса да се натпреваруваме за Скудетото. Последниот дел беше целосно неконзистентен со перформансите до тој момент, а разочарувачкиот пораз од синоќа во последниот натпревар ја претвори сезоната во недвосмислен неуспех. Сега е време за промени и сеопфатна реорганизација на фудбалските операции. Веднаш се разделуваме со извршниот директор Џорџо Фурлани, спортскиот директор Игли Таре, главниот тренер Масимилијано Алегри и техничкиот директор Џефри Монкада. Им се заблагодаруваме на секој од нив за нивната напорна работа и посветеност на Милан за време на нивните соодветни мандати. Понатамошни најави во врска со следните назначувања ќе бидат направени навреме – со цел да бидеме подготвени и добро подготвени за следната сезона.“
Извор: vecer.mk
