Трета година по ред, Реал Мадрид го сопре Пеп Гвардиола и неговиот Манчестер Сити во нокаут фазата од Лигата на шампионите. Овој пат тоа се случи во осминафиналето, во кое шпанските гиганти победија со вкупен резултат 5-1, по 3-0 во првиот натпревар на Сантијаго Бернабеу и 2-1 во вчерашниот реванш на Етихад. Тренерот на Реал, Алваро Арбелоа, го коментираше натпреварот.
„Победата на начинот на кој победивме не е лесна. Малкумина мислеа дека ќе ги добиеме двата натпревари. Мбапе играше малку, но добро. Мислам дека беше фаулиран во шеснаесетникот. Ќе напишам книга ако сакате. Знам дека сè уште имам многу да учам. Работев напорно овие месеци.
Само треба да продолжиме бидејќи сомнежите повторно ќе се вратат ако изгубиме. Не се осмелувам да кажам дека победив тренер како Гвардиола. Заслугата е на играчите. Пред неколку месеци не би верувал дека ова се случува. Пеп ми честиташе и ми посака среќа во натпреварот против Атлетико во недела“, рече шпанскиот тренер.
Арбелоа пристигнува во Реал без вистинско искуство
Арбелоа немаше искуство во сениорскиот прв тим до пред два месеци. Тој го презеде Реал Мадрид откако Чаби Алонсо си замина. Друга несреќна околност за него се повредите на клучните играчи во првиот тим, Килијан Мбапе, Џуд Белингам, Родриго и Едер Милитао. Но, тие успеаја да се пласираат во Лигата на шампионите и да останат конкурентни во првенството, во кое се четири бода зад лидерот Барселона, десет кола пред крајот.
Извор: vecer.mk
