Screenshot

Гломазниот судски процес за трагедијата во „Пулс“ буди сомнежи: Правдата може да се изгуби во колективен заборав

March 18, 2026
1 min read

Една година по кобниот пожар во кочанската дискотека „Пулс“, во кој згаснаа 63 млади животи, судскиот процес се наоѓа под лупата на јавноста и политичките чинители. Преобемниот обвинителен акт, кој опфаќа десетици лица, отвора сериозни сомнежи – дали вака конципираниот предмет ќе донесе брза и ефикасна правда или намерно ќе се развлекува за вистинските виновници да останат неказнети.

Во дебатната емисија „24 Анализа“, претставниците на политичките партии ги вкрстија копјата токму околу текот, истрагата и големината на овој судски процес.

Пратеникот од Левица, Борислав Крмов, посочи на комплексноста на постапките и бројот на обвинети кои седнаа на обвинителната клупа:

 

„Имаме процес за четири обвиненија. Мислам дека се четири судски постапки од коишто две се завршени. Најобемната има 32 физички лица и три правни лица… Таа веќе трае четири месеци и нешто. А другите три се за припадници на МВР од коишто едната е готова со три обвиненија…“.

Сепак, токму оваа „гломазност“ отвора правни дилеми. Снежана Калеска Ванчева од СДСМ, гледајќи од правнички агол, изрази отворен сомнеж за тоа како е конципирано обвинението и предупреди на потребата од ефикасност:

„Оправдано е, оправдан е сомнежот, а гломазен е процесот. Јас како правник навистина поставувам прашање и за мене лично е нејасно како можат сите тие луѓе во тоа обвинение да бидат соизвршители во едно такво кривично дело…“. „…треба да имаме ефикасна и ефективна правда, тоа подразбира брзо, секако да не трае со години и навистина да одговараат согласно закони, согласно доказите и фактите вистинските“.

Стравувањата дека обемноста на предметот е всушност параван за одолговлекување и политичко калкулирање, ги изнесе Фатон Алити од ДУИ:

„…мислам дека тенденцијата е да се развлекува и точно тоа – вистинските виновници колку што е можно повеќе да се амнестираат…“. „…и судските процеси ќе се развлекуваат колку што е можно повеќе за да се што повеќе амортизираат тие политички последици негативни, сметам за партиите или партијата најголема на власта…“.

На крајот, резимирајќи ги стравувањата на родителите и јавноста, водителот на емисијата го постави можеби најсуштинското прашање, стравувајќи од разводнување на одговорноста:

„…дали од колективна загуба што ја говориме, со овој судски процес ќе влеземе колективна вина да имаме, ќе влеземе во процес на колективен заборав, бидејќи процесот е преобемен, прекомплициран, а кога ќе се истурка во меѓувреме се менуваат работите…“.

Останува да се види дали правосудниот систем ќе ги демантира овие политички сомнежи и ќе испорача правда за семејствата кои, како што беше заклучено во дебатата, остануваат „жедни за правда“.

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

ЈКП „Комуналец“ – Прилеп ги обнови корпите во Могилата на непобедените

Следно

Арбелоа: Не се осмелувам да кажам дека победив тренер како Гвардиола

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop