Али Лариџани, син на шиитски правник, во текот
на својата кариера извршувал повеќе високи функции во Исламската Република
Иран, најново како секретар на Врховниот совет за национална безбедност на
Иран.
Лариџани беше убиен во напад на
Одбранбените сили на Израел, по наредба на премиерот Бенјамин Нетанјаху. Како
шеф на Врховниот совет, тој ги надгледувал одбраната, разузнавачките служби и
надворешната политика на Иран.
На оваа
позиција првпат беше поставен во август 2025 година, а претходно ја извршувал
од август 2005 до октомври 2007 година. Во текот на кариерата, Лариџани беше и претседател на парламентот
12 години (2008–2020), министер за култура и исламско водење, директор на
државниот радиодифузен сервис IRIB (1994–2004), како и наводно заменик на
главниот штаб на Револуционерната гарда на Иран.
Лариџани учествувал и во преговорите со
европските земји околу нуклеарната програма. Откако Одбранбените сили на Израел
на 28 февруари го убија тогашниот врховен лидер ајатолахот Али Хамнеи и други високи функционери, Лариџани стана еден од најважните луѓе во
хиерархијата на иранската власт. Се смета дека токму тој ги носел клучните
одлуки, бидејќи новиот врховен лидер Моџтаба Хаменеи наводно бил онеспособен по
израелскиот напад.
Таткото на
Лариџани, Хашим Лариџани, бил угледен шиитски правен
ученик кој се повлекол во Наџаф, Ирак, поради репресијата на Пахлави. Али Лариџани е роден во Наџаф во 1958 година,
а семејството се вратило во Иран по Исламската револуција во 1979 година.
Али Лариџани имал четворица браќа, сите на
значајни функции во Иран. Најстариот, Мохамад-Џавад Ардешир Лариџани, бил пратеник и советник на Али
Хаменеи за надворешна
политика, додека помладиот брат Садег Лариџани е шиитски свештеник и претседател
на Советот за проценка на ефикасноста од 2018 година, а претходно бил главен
судија (2009–2019).
Извор: vecer.mk
