Реакцијава доаѓа откако ABC News објави дека ФБИ ги предупредило полициските одделенија во Калифорнија за можна иранска одмазда за американско-израелските напади врз Иран. Според извештајот, Иран наводно би можел да се обиде да изврши напади со беспилотни летала врз Западниот брег на Соединетите Американски Држави.
Портпаролката на Белата куќа, Каролин Ливит, остро ги негираше обвинувањата и рече дека не постои таква закана.
Ливит: „ABC News шири лажни информации“
„Овој извештај и целата сторија треба веднаш да се повлечат бидејќи ABC News шири лажни информации за намерно да ја вознемири американската јавност“, напиша Ливит.
Таа додаде дека текстот е базиран на е-пошта испратена до локалните полициски одделенија во Калифорнија, во која се споменува непотврдена трага.
„Пораката јасно наведува дека ова се непотврдени разузнавачки информации, но ABC News го изостави тој клучен дел од информацијата од својата сторија. Зошто?“, напиша таа.
Ливит нагласи дека нема закана за американска територија.
„Да бидеме апсолутно јасни: нема закана од Иран за нашата територија и никогаш не постоела“, рече таа.
This post and story should be immediately retracted by ABC News for providing false information to intentionally alarm the American people.
They wrote this based on one email that was sent to local law enforcement in California about a single, unverified tip. The email even… https://t.co/jKey9ahsNk
— Karoline Leavitt (@PressSec) March 12, 2026
Извор: vecer.mk
