Мрежата на сојузнички групи поддржани од Иран низ целиот Блиски Исток остро ги осуди американско-израелските напади врз нивниот патрон, но сè уште не започнаа одмазднички напади. Иако овие групи брзо го бранеа Иран во минатото, секоја од нив е значително ослабена во последните години, пишува CNN.
Хезболах повикува на отпор
Хезболах, некогаш моќна сила во јужен Либан чии капацитети се сериозно намалени во серија израелски напади, ги повика другите земји да се спротивстават на нападите.
„Убедени сме дека американскиот и израелскиот непријател ќе претрпат силен удар и дека нема да пожнеат ништо освен неуспех од нивната тиранска, криминална агресија“, се вели во соопштението на групата.
Хутиите на готовс
Лидерот на Хутите, Абдулмалик ал-Хути, во телевизиско обраќање рече дека неговите сили „се во состојба на висока готовност за секој можен развој на настаните“.
Ал-Хути, исто така, се обиде да ги увери другите земји од Блискиот Исток кои се соочија со одмазднички напади на Иран, нагласувајќи дека овие напади се „легитимно право на Иран и не се насочени кон земјите каде што се наоѓаат американските бази“.
Хамас повикува на единство
Хамас, кој претрпе огромни загуби во војната со Израел во Газа и се соочува со разоружување, издаде соопштение во кое ги осудува нападите и повикува на муслиманско единство. Соопштението, исто така, ја потврди солидарноста со Иран.
Извор: vecer.mk
