Претседателот на Иранската фудбалска федерација, Мехди Таџ, го коментираше можното повлекување на националниот тим од Светското првенство во 2026 година.
„По денешните настани и нападот од страна на Соединетите Американски Држави, малку е веројатно дека можеме да го очекуваме Светското првенство со каква било надеж, но одлуката за ова прашање мора да ја донесат раководителите на спортските организации“, изјавил Таџ за весникот „Марка“.
Иранската репрезентација се квалификуваше за Светското првенство во 2026 година и е сместена во групата Г, каде што ќе се соочи со Белгија, Египет и Нов Зеланд. Сите три натпревари на Иран треба да се одиграат во Соединетите Американски Држави.
Извор: vecer.mk
