Јувентус и Галатасарај вечева ќе го одиграат еден од најинтересните реванш натпревари во плеј-оф колото во Лигата на шампионите. Првиот натпревар во Истанбул се претвори во кошмар за „бјанконерите“, кои беа поразени со 5-2, оставајќи го италијанскиот гигант со навидум невозможна мисија да ги сврти работите. Тоа беше еден од најтешките порази за „Старата дама“ во Европа.
Овој пораз, покрај тоа што го доведе во прашање продолжението на Италијанците на турнирот, сериозно го потресе духот на тимот, кој потоа се сруши и во Серија А, дозволувајќи пораз од Комо. Затоа, иднината на тренерот Лучијано Спалети на чело на тимот во голема мера ќе зависи од денешниот натпревар.
Галатасарај, од друга страна, покажа одлична форма, забележувајќи четири победи во последните пет натпревари. Низ историјата на директните пресметки меѓу Јувентус и Галатасарај, има три евидентирани средби, со биланс во корист на турскиот тим. Галатасарај има две победи, а еден натпревар завршил нерешено.
Во вториот меч во фокусот, Реал ја пречекува Бенфика. Првиот натпревар мина со сериозна тензија, која продолжи и во целата мината недела. Причина за тоа беше расистичкиот скандал помеѓу Винисиус Жуниор и Џанлука Престијани. На крајот УЕФА одлучи да го казни Престијани, кој нема да игра на реваншот денес.
Реал Мадрид во мечот влегува по изненадувачкиот пораз од Осасуна со 1:2 во Ла Лига. Сепак, пред тоа, „кралскиот клуб“ забележа четири последователни победи. Бенфика, од друга страна, исто така одигра силно на последните натпревари со три победи, едно реми и еден пораз.
Во последните меѓусебни средби, двата тима имаат по една победа.
Во останатите два меча вечерва, Аталанта брка негатива од 2:0 на мечот со Борусија (Д), додека ПСЖ има предност од 3:2 против Монако на реваншот пред своја публика.
Извор: vecer.mk
