Град Скопје започна со уредување на просторот во Градскиот парк за изградба на нов Луна парк, информира градоначалникот Орце Ѓорѓиевски. Старите, бесправно изградени дискотеки се отстрануваат за да се создаде безбеден и модерен забавен центар за сите посетители.
„Како што ветив – најдоброто за Скопје!“, напиша Ѓорѓиевски на својата фејсбук страница, истакнувајќи дека акцијата е дел од проектите за уредување и подобрување на јавните простори во главниот град.
Проектот за Луна парк е дел од планот на градот за модернизација на рекреативните површини и обезбедување безбедна и пријатна средина за сите посетители на Градскиот парк.
Извор: zurnal.mk
