Ердоган со официјална церемонија го пречека финскиот претседател Нинисто

АНКАРА (АА) – Претседателот на Туркије, Реџеп Таип Ердоган, со официјална церемонија во Претседателскиот комплекс во Анкара го пречека финскиот претседател Сауло Нинисто, јавува Анадолу.

Турскиот претседател Ердоган го пречека својот фински колега на главниот влез на Претседателскиот комплекс.

Во рамки на церемонијата беа интонирани химните на двете земји, а потоа Нинисто ја поздрави гардата.

На церемонијата беа поставени знамињата на 16-те туркиски држави што се формирани во историјата и нивните војници.

По пречекот, Ердоган и Нинисто се фотографираа пред знамињата на Туркије и Финска.

Ердоган и Нинисто потоа преминаа на тет-а-тет средба, а по средбата ќе одржат заедничка прес-конференција.

Исто така, Ердоган ќе има и работен ручек со Нинисто.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS).