Иако тешко остварливо, ако се знае дека Лео Меси веќе го продолжи договорот со Интер Мајами, сепак првиот човек на Ал Итихад, Анмар Ал Хаили не се откажува и прави се што може да го донесе најдобриот фудбалер на сите времиња во својот клуб во Саудиска Арабија.
Ал Хаили наводно е спремен да му препушти на Меси сам да одлучи за финансиските услови и времетраењето на договорот.
„Доколку Меси сака да потпише за Ал-Итихад, ќе му дадам бланко чек со кој може да напише кој било износ што го сака, со договор за кој било период што ќе го избере, дури и ако е доживотен“, рече Хаили.
Тој додаде дека доаѓањето на Меси би имало огромно значење за клубот:
„Доколку Меси беше тука во Саудиска Арабија носејќи го дресот на Ал-Итихад, парите не би ми значеле ништо. Ќе ја прославевме лигата пред да започне бидејќи би го имал најдобриот играч во историјата на фудбалот.“
Претседателот на Ал-Итихад потврди дека веќе се обидел да го потпише Меси откако го напушти Париз:
„Да, го контактирав кога му истече договорот со Париз и му понудив договор од 1,4 милијарди евра, но тој одби без дури и да ја слушне понудата бидејќи неговото семејство претпочиташе да се пресели во САД. Го почитувам тоа и вратата на Ал-Итихад е секогаш отворена за него кога сака да дојде.“
Во врска со новиот обид за доведување, Ал Хаили рече:
„Нема повеќе да си нагаѓаме со сумите еден на друг, едноставно ќе му дадам на Меси бланко чек да напише што сака. Тоа е најдобро, а ќе видиме.“
Извор: vecer.mk
