Без судење и без одбрана: Утре ќе биде погубен 26-годишниот Ерфан Солтани – протестите во Иран добиваат смртен епилог!

January 13, 2026
2 mins read

Иранската јавност повторно е во фокусот на меѓународната заедница по информациите дека властите во Техеран се подготвуваат да извршат смртна казна врз 26-годишниот Ерфан Солтани – наводно првата екзекуција поврзана со масовните антивладини протести што ја зафатија земјата во изминатите месеци. Според организации за човекови права, случајот се одвива експресно и без можност за правна одбрана.

Апсењето и обвиненијата


Солтани бил приведен минатата недела во Караџ, за време на демонстрациите против властите. На организациите за човекови права им било пренесено дека тој е обвинет за „водење војна против бог“, кривично дело кое во Иран носи смртна казна. Индискиот медиум НДТВ објави дека екзекуцијата би можела да се изврши утре, без спроведено судење.

Невладина организација „Иран Хјуман Рајтс“, повикувајќи се на свои извори, соопшти дека семејството веќе било информирано за пресудата и за терминoт на планираното погубување, закажано за 14 јануари. Друга организација, Националната унија за демократија во Иран, тврди дека Солтани немал пристап до адвокат и дека неговиот случај е пример за „грубо прекршување на основните човекови права“.


Засега нема независна потврда за најавената екзекуција, а меѓународните организации укажуваат дека ограничувањата на интернет и комуникациите во Иран го прават речиси невозможен увидот во состојбата на терен.

Стотици жртви и илјадници уапсени


„Иран Хјуман Рајтс“ предупредува дека потврдените бројки за загинати демонстранти достигнуваат 648, меѓу кои и девет малолетници, а вистинската бројка може да биде значително поголема. Според организацијата, во текот на протестите биле уапсени околу 10.000 лица, при што дел од нив се водат како исчезнати. Организацијата укажува дека сцените потсетуваат на репресијата од 1980-тите, која меѓународните институции ја оцениле како злосторство против човештвото.

„Меѓународната заедница има обврска да ги заштити цивилните демонстранти од масовни убиства“, изјави директорот на организацијата, Махмуд Амири-Могадам.

Одговорот на иранските власти

Паралелно, иранските државни институции организираа масовни провладини собири низ земјата. Врховниот лидер ајатолахот Али Хамнеи ги оцени собирите како доказ дека протестното движење слабее и дека „плановите на странските непријатели“ биле осуетени. Во Техеран, претседателот на парламентот Мохамад Багер Галибаф изјави дека земјата води „војна на четири фронта“ – економска, психолошка, воена и политичка – со САД, Израел и, како што рече, „терористички структури“, алудирајќи на протестите.


Извор: tv21

VERO JUMBO

EVN MACEDONIA

MATINA DENTAL CLINIC

AUTO SHKOLLA BEKO

Претходно

Владата го усвои предлогот на Комисијата за номинирање кандидати за судија во ЕСЧП

Следно

Официјално: Кансело до крајот на сезоната во дресот на Барса! (ВИДЕО)

Latest from Blog

Проданоски: Буџетот за 2027 година го креираме со предлозите на прилепчани

Општина Прилеп ги заврши средбите со сите урбани заедници во градот во рамките на консултациите за подготовка на Буџетот за 2027 година. Градоначалникот Дејан Проданоски најави дека процесот продолжува со средби со

Николоски: Од 1 јануари само Државната лотарија ќе може да организира онлајн игри на среќа

Владата го измени Законот за игри на среќа, со кој јасно се ограничува организирањето на игри на среќа. Само Државната Лотарија ќе може да организира игри на среќа, дополнително се воведе ограничување

Божиновска: По три децении зависност од еден гасен правец, Македонија работи на нови врски со соседите

Македонија три децении зависела од само еден правец за снабдување со природен гас, а новите поврзувања со соседите треба да ја намалат таа зависност, порача министерката за енергетика, рударство и минерални суровини,

Битола не ги заборава своите херои: Одбележана 82-годишнината од формирањето на Првата егејска македонска ударна бригада

Во Битола свечено беше одбележана 82-годишнината од формирањето на Првата егејска македонска ударна бригада, со положување свежо цвеќе, оддавање почит и пригодна културно-уметничка програма. Одбележувањето се одржа пред спомен-плочата кај Територијалната противпожарна

Божиновска: Гасните врски со Грција и Србија се приоритет за посигурно снабдување

Гасните интерконектори со Грција и Србија, Вертикалниот гасен коридор и повторното ставање во функција на продуктоводот Солун–Скопје се меѓу проектите со кои Македонија работи на посигурно снабдување со енергија. Ова го истакна
Go toTop